In augustus wordt bij veel kapellen in Limburg het belangrijkste Mariafeest van het jaar gevierd: Maria Tenhemelopneming (15 augustus). Een heel oude traditie daarbij is het zegenen van de 'kroedwösj'. Annie Schreuders-Derks schreef ooit een 'Kroedwösjgebed' in het dialect.

Slevruike, kiek, ich kóm de kroedwösj brènge
en uch ter ieër, get baeje en get zènge
Det maakt uch hoape weer ein bietsjke blie
Weer zeumerde good, van alles zit d’r bie.

Weer höbbe Reinvaart taenge jich en wurm en hómmel,
Ouch heks en duvel vènje ’t eine klómmel,
Weer höbbe Roaze in ós häöfke sjtaon
En haope det die sjtieëds good blieve gaon.

Veur ’t al daags broad get terf en ouch get kaore,
Get mintha taege sjnótterbel en blaore
Eine notetak d’r bie is ouch neet sjlech,
Dae hilt ós mök en óngesiefer weg.

Aels jeug d’n duvel weg wie weer dat haope
en bie de weeg kan ’t kiendje baeter sjloape.
Get kammille veur de krenkdes van al daag,
De witte reinvaar veur de pien kin kop of maag.

De droeve zeen veur de goje kantj van ’t laeve.
Ich drènk gaer wien, kènt geer mich det vergaeve?
Get geitebaard kump ein hoesvrouw sjtieëds van pas,
Det zörg veur eine frisje lieveskas.

Ich höb ein reip van sjolkesjtóf gevónje,
Dao höb ich alles mit biejein gebónje.
Ouch duujde ich nog flot ein goudsbloom drin,
Veur mien sjoanheid, want ich bön eine greuëtse pin.

Slevouw, weer haope det geer uch blif meuje
En det geer zörg dat ’t ummer zoa moog greuje.
Kóm zaegen noe dae sjoane kroewösj poes,
Den gaon weer goed besjermp veur ein gans jaor weer nao hoes.

 

door: Annie Schreuders-Derks
uit: D’r Hergot versjteet óch plat, 2010
Foto: Jean-Pierre Geusens