Kersmis

In ‘ne sjtal in Betlehem,
de gróndj mit sjtreuj bekleid
loog ’n kiendje in ’n kribbe
in werme deuk gedreid.

Dun bie zien mam en pap,
Maria en Jozef geknield
herders en drie keuninige
allemaol van ’t kiendje bezield.

Eine os, ‘ne aezel en get sjäöp
deeje ‘t kiendje verwerme
blôze de aosem euver hem haer
óm ’t taege kaaj te besjerme.

Hoog baove ’t sjtelke in de dón’re nach
sjtroalde ’n zilv’re sjter
heel zaach klónk ’n ingelekoor
’t kwaam van heel ver.

’t Pas gebaore kiendje waas neet geweun
zo is ’t door eeuwe haer bewaerd
van al waat laef, greujd en bleujd
is Hae keuning van hemel en aerd.

Toos Benjamin, Remunj
Uit: D’r Hergod versjteet óch plat 

Illustraties: Elk jaar bouwen de leden van de jongerengroep TKV uit Landgraaf deze kerststal bij het wekgruis op de hoek Hoofdstraat/Achter den Winkel in Landgraaf-Schaesberg.